點解我哋會越減越肥？

係我幫助客人減肥嘅時候以下係我成日都會遇到嘅問題今次同大家分享一下😌
好多人都會同我講「我已經唔食碳水㗎啦😫點解我仲未瘦嘅」但當我要求佢哋將每日食嘅嘢影俾我睇等我做吓金田一一睇吓佢邊度做錯，我就發現好多時候大家都食咗好多自認為唔係澱粉質，唔係醣類嘅食物，但其實佢根本係高醣類嘅食物而大家唔知道！
首先等我來揭開佢哋嘅真面目！

地雷食物：根莖類蔬菜（蓮藕，薯仔），牛奶，麥皮，燕麥奶，藜麥，朱古力，生果，仲有粉絲！
有一次有一個客人同我講我已經唔食碳水㗎喇，我晏晝只不過係食一個藜麥通粉咋嘛⋯⋯😅
我當堂嚇親！藜麥通粉兩樣都係碳水不特止，藜麥嘅碳水真係非一般的小，同樣份量嘅藜麥比起白飯嘅碳水高出接近三倍😆😆😆
所以咁樣飲食真的很可怕🥲🥲🥲
因為你以為佢係好嘢，你對佢冇戒心，你會放肆咁食，因為你以為佢唔會令你肥…..

另外豆類嘅嘢都要小心，大豆類食物有好多激素，點解我哋都市人會有咁多子宮肌瘤乜瘤乜瘤。所以所有豆製品，豆漿，腐皮，豆卜，大豆油，可免則免！
但咁係代表真係唔可以食？
可以食，但注意份量，亦唔好”誤會”佢係好嘅嘢而狂食，例如唔知嘅人以為生果可以減肥，日日食生果餐，咁你就keep住做錯嘢！自己辛辛苦苦捱餓食生果，但得來嘅反而係反效果！呢啲先係我哋最值得注意嘅地方！食乜嘢落口，認清好與壞，唔好好人當賊扮🤣🤣🤣

好嘅嘢例如健康油脂！雞皮，五花腩，真係唔使就住食！你食得落幾多你就食幾多！只要我哋食嘅係食物嘅原型，盡量用健康嘅油脂，例如豬油，橄欖油，牛油果油，草飼牛油，去烹調，呢啲全部都係唔會令身體有負荷對身體好好嘅油脂！
可以選擇嘅情況下唔好再用大豆油，芥花籽油，粟米油，花生油，呢啲全部都係好劣質嘅油！